i-gipuzkoa 2010. Euskera

ZE BERRI? gaur 250a zenbakia argitaratzen dugu. Eskerrik asko jarraitzeagatik!!

admin — Thu, 14 Apr 2011 06:15:28 +0000

Duela zazpi urte argitaratu zen lehenengo aldiz ZE BERRI? buletina eta gaur 250. zenbakia argitaratu dugu.

Denbora-tarte horretan eta 250 aleetan zehar, ZE BERRI? buletinean 3.600 albiste baino gehiago argitaratu ditugu eta hauen bidez Gipuzkoako Informazioaren Gizarteari eta Teknologia Berriei buruzko berrikuntza eta ekimen guztiei buruzko informazioa ematea bilatu dugu.

Zazpi urte hauetan zehar, ZE BERRI? buletinek aldizkakotasuna, formatua eta egitura aldatu ditu, paperetik hainbat web formatutara pasatu da eta, gainera, atal eta partaidetzarako 2.0 tresna berriak txertatu ditu.

Aldaketa horiek guztiak egin ditugun arren, hobetzen jarraitu nahi dugu eta lagun diezaguzun eskatzen dizugu. Hori dela eta, ZE BERRI? buletinari buruzko zure iritzia ezagutzera ematea eskertuko genizuke gure parte hartze kanalen bidez: ZeBerri? bloga hau, Twitter-eko profila (@zeberri), edo posta elektroniko bidez (i-gipuzkoa2010@gipuzkoa.net).

Arraila digital berria seme-alabak dituzten eta ez dituzten etxeen artean?

admin — Thu, 16 Dec 2010 14:15:13 +0000

Europako etxeen % 70ek du Interneteko sarbidea 2010. urtearen amaieran. Eurostatek argitaratu dituen azken emaitzen arabera, txertapen-tasa hori ikusita, duela urtebeteko emaitzak % 5 handitu direla esan dezakegu. Banda zabaleko sarbidea duten etxebizitzen kasuan, ehuneko hori % 61era murriztu da.

Dena den, etxeen tipologiaren arabera aztertzen baditugu emaitza horiek, gai interesgarri batzuk daudela ikus dezakegu. Esate baterako, seme-alabak dituzten eta ez dituzten etxeen kasuan, Interneteko sarbidearekin lotutako eskuragarritasunean aldea dago.

Zehazki, eskuragarri dauden azken datuek (2010ekoak) agerian uzten dute seme-alabak dituzten Europako etxeetako Interneteko sarbide maila seme-alabarik ez dutenena baino nabarmen handiagoa dela; zehazki, % 85koa da lehenengoena, eta % 65ekoa seme-alabarik ez dutenena. Kide diren herrialde guztietan gertatzen da hori neurri batean edo bestean, baina alderik handienak (arraila digitala?) herrialde hauetan topa ditzakegu: Zipren (bi etxe moten arteko aldea % 38koa da), Portugalen (% 36), Eslovenian, Estonian eta Bulgarian (% 33). Bi etxe mota horien arteko alderik txikienak herrialde hauetan daude: Luxenburgon (% 11), Herbehereak (% 11) eta Suedian (% 13).

Espainian, seme-alabak dituzten etxeetako Interneteko sarbidea % 73koa da, eta seme-alabarik ez dutenenetakoa, aldiz, % 52koa.

Beti aipatu izan da seme-alabek etxebizitzak Informazioaren Gizartera sartzeko duten bultzada-gaitasuna, baina arraila digital hau berria dela esan dezakegu?

ZE BERRI? buletinaren 200. alea argitaratu da. Lagun iezaguzu hobetzen!

admin — Thu, 18 Mar 2010 10:10:17 +0000

Duela sei urte argitaratu zen lehenengo aldiz ZE BERRI? buletina. Helburua: Gipuzkoako informazioaren gizarteari eta teknologia berriei buruzko berrikuntza eta ekimen guztiei buruzko informazioa ematea.

Denbora-tarte horretan eta 200 aleetan zehar, ZE BERRI? buletinak aldizkakotasuna, formatua eta egitura aldatu ditu, paperetik hainbat web formatutara pasatu da eta, gainera, atal eta partaidetzarako tresna berriak txertatu ditu.

Aldaketa horiek guztiak egin ditugun arren, hobetzen jarraitu nahi dugu eta lagun diezaguzun eskatzen dizugu. Hori dela eta, ZE BERRI? buletinari buruzko zure iritzia ezagutzeko eta hobetzen nola jarrai dezakegun jakiteko galdetegia jarri dugu martxan.

Berrikuntzak Gipuzkoan web orrialde berria estreinatu du

admin — Fri, 05 Mar 2010 08:12:03 +0000

Gipuzkoako Foru Aldundiko Berrikuntzako eta Jakintzaren Gizarteko Departamentuak duela gutxi berritu du web ataria. Gipuzkoa, Berrikuntzaren eta Jakintzaren Lurraldea lelopean eta igipuzkoa.net helbide elektronikoaren bidez, Departamentuaren jarduera bideratzen duten 4 jarduera alorretako bakoitzari buruzko informazio xehatua eskaintzen da: Ikaskuntzaren Lurraldea (Bizitzako ikaskuntza eta ikaskuntza emozionala eta soziala); Zientzia, Teknologia eta Berrikuntza (ekimenak, sareak eta parte hartzen duten erakundeak); Enpresen Lehiakortasuna eta Sare Gizartea. Alor bakoitzak Berrikuntzako eta Jakintzaren Gizarteko Departamentuak garatu/parte hartutako web tematikoetarako sarbidea ematen du.

igipuzkoa.net atariak Departamentuari buruzko informazio hauek ere ematen ditu: helburuak, egitura eta organigrama, aurrekontua eta parte hartzen duen erakunde eta ekimenen zerrenda.

Web ataria bestelako atal interesgarriekin osatzen da, hala nola Albisteak eta Hurrengo ekitaldiak, Gipuzkoako informazio ekonomiko eta berrikuntzari buruzko informazio zabala eta xehatua jasotzen duen atala (Gipuzkoa berritzailearen monitoring-a eta Datuz datu), Foru laguntzen eta diru-laguntzen atarirako sarbidea eta Departamentuak argitaratutako argitalpenen (bai digitalak, bai paperean) zerrenda osatua. Direktorio moduan, atariak Gipuzkoan berrikuntzarekin lotutako webguneen zerrenda jasotzen du.

Webguneko eduki guztiak Creative Commons lizentziaren mende daude. Hain zuzen, Reconocimiento-Compartir igual lizentziaren 3.0. bertsioa; edukiak kopiatu, banatu eta jendaurrean jakinarazteko eta eratorritako ekintzak gauzatzeko aukera ematen du, edukiaren autoretza espezifikoki aitortzen denean, betiere, eta edukia aldatuz gero, horren berdina den lizentziarekin banatzen bada.

Gipuzkoako I+G gastua BPGren %2,23a izan da

admin — Fri, 05 Mar 2010 08:05:59 +0000

2008 urtean Gipuzkoako I+G gastua %12a igo da eta langileena %6a.

Datua, Europar Batasuneko bataz bestekoa baino altuagoa da (%1,9). Estatu-kideen artean, bost herrialdek soilik izan dute gastu intentsitate altuagoa: Suedia, Finlandia, Danimarka, Austria eta Alemania.

(Datuak ikusi)

Ba al dakizu nola eragotzi Interneten nahi ez diren edukietan sartzea?

admin — Fri, 22 Jan 2010 08:51:49 +0000

Gipuzkoako Foru Aldundiko Berrikuntzako eta Jakintzaren Gizarteko Departamentuak Internet Segurua aurkeztu du. Zerbitzu horrekin, gipuzkoarrek Internet erabiltzean eta hara sartzean duten segurtasuna hobetu nahi dute. Internet Seguruaren bidez, Gipuzkoako Foru Aldundiak Interneten nabigatzean segurtasuna hobetzeko zenbait tresna berri jarri ditu Gipuzkoako herritar guztien esku, horien artean gurasoentzako edukien kontrolerako tresna.

Zehazki, erraz instalatzen den doako iragazki bat da, eta Interneten nahi ez diren edukietara sartzea eragozten du, esaterako, eduki pornografikoak dituzten lekuak, artxibo arriskutsuen deskarga-eremuak, berehalako mezularitzako zerbitzariak eta abar.

Iragazkia martxan jartzean, ordenagailutik sartu eta irtetzen den trafikoaren azterketa eragiten du. Trafiko mota identifikatzeaz gain, edukia aztertu, monitorizatu edo arakatzen du; horrela, erabiltzaileari nabigazio segurua bermatu ahal izango dio, beti konfiguratutako parametroen arabera.

Edukien iragazkiaren bidez, lan hauek egin ahal izango dituzu: iragaziko diren kategoriak edo gaiak aukeratu, erabiltzaile-profil desberdinak sortu, nabigazio-ordutegiak ezarri, deskargak artxibo moten arabera iragazi, datu pertsonalak babestu, …

Programa urte betez doan deskargatu eta erabili ahal izateko, erabiltzaileak Departamentuak eman dion kodea sartu behar du, hortaz onuradunak soilik gipuzkoarrak izango dira.

Internet Seguruaren bidez beste erraminta batzuk izan ditzazkegu: erabiltzailearen ordenagailuaren segurtasun analisi zerbitzu bat edo Internetarekin eta segurtasun erraminta askorekin erlazioa duten aspektu nagusiei buruzko formakuntza pilula sorta zabala (antibirusak, firewallak,…) gaiari buruzko ezagutzak gehitzea ahalbidetuz.

» Internet Segurua

» Edukien Iragazkia

i-gipuzkoa2010 Estrategia berriaren etorkizunerako erronkak: belaunaldi berriko sareen kalitatea eta hedapena

admin — Tue, 22 Dec 2009 11:25:43 +0000

Europan herritarren txertaketaren hazkundea geldotzen ari da, eta Europako Batzordeak abiadura handiko konexioak areagotzeko xedea azpimarratzen du. Gainera, “belaunaldi berriko sareak” izenekoen trantsiziora aurrera egiteko urratsak bizkortzearen aldeko apustua egin du: Wi-Fi haririk gabeko konexio-sarera, esate baterako. Horretarako, haririk gabeko azpiegiturak hobetzeko beharra ikusi da, bereziki, biztanle gutxien dituzten eremuetan.

Gipuzkoaren kasuan, lurraldean eta, batez ere, landatar eremuetan banda zabalaren hedapena hobetzera zuzendutako hainbat ekimen publiko jarri dute abian.

2008. urtean, hain zuzen ere, banda zabaleko konexioen txertaketa maila % 35ekoa izan zen 15 urte baino gehiagoko biztanleen artean.

Berritutako i-gipuzkoa2010 Estrategiak nola jarrai dezake Gipuzkoako lurraldean sarbide-abiaduraren hobekuntza bultzatzen?

Nola hobe daitezke gailu mugikorren erabilera ahalbidetuko duten belaunaldi berriko sare-azpiegiturak?

i-gipuzkoa2010 Estrategia berriaren etorkizunerako erronkak: eGobernantza

admin — Fri, 18 Dec 2009 14:06:43 +0000

Internetek harremanen eta aginte-zentroen paradigma aldatu du. Asko dira herritarren partaidetza eta jarduera publikoaren gardentasuna bultzatzen dituzten Interneteko erabileren adibideak, besteak beste, 2.0 webgunea nabarmentzen da. Filosofia horrek herritarrek gizartean gero eta eginkizun aktiboagoa hartzeko eredua bultzatzen du; parte hartuz, kolaboratuz, sarean edukiak partekatuz eta sortuz.

Gipuzkoako administrazioak ez du gehiegi erabiltzen 2.0 webgunea tresna. Gipuzkoako administrazioak tresna horiek gehiago erabiltzea mugatzen duen oztopo nagusia ezjakintasuna da.

Tresna mota hori nola aprobetxatu jakin duten administrazioen kasuan azaltzen duten beldurra herritarren aldetik partaidetzarik ez izatea eta irtenbide horien erabilgarritasunik ez topatzea izan ohi da.

Berritutako estrategiak nola susta ditzake herritarren partaidetzarako tresnen erabilera, jarduera publikoaren gardentasuna eta lankidetzarako toki eta sareak?

i-gipuzkoa2010 Estrategia berriaren etorkizunerako erronkak: Administrazio digitala

admin — Thu, 17 Dec 2009 14:05:45 +0000

Herritarrek zerbitzu publikoetara sarbide elektronikoa izateko legeari esker, herritar guztiek administrazio publikoekin modu elektronikoan harremanak izateko eskubidea eta haiek eskubide hori bermatzeko duten betebeharra bermatzen da. Helburu horrekin, autentifikazioko txartelak eta sinadura digitala hedatzeko ahalegin handia egiten ari dira Administraziotik. Epe laburrean eta ertainean, Administrazio Publikoko maila guztietatik eskainitako zerbitzuen zorroa nabarmen handituko dela aurrez ikusi dute.

Gipuzkoako Foru Aldundiaren kasuan, on-lineko zerbitzuen eskaintza nabarmen areagotu da azken urteetan.

Gipuzkoako tokiko administrazioak, bestalde, zerbitzuak Informazioaren Gizartera txertatzeko ahalegin handia egin du. Hala ere, eskaeraren ikuspegitik, e-Administrazioaren erabilera oraindik ere mugatua da Europako herrialde aurreratuenekin alderatuz gero.

Berritutako estrategiak nola zuzen dezake Gipuzkoako Administrazio Publikoak eskainitako on-lineko zerbitzuen eskaintzaren eta kalitatearen hobekuntza?

Eta, batez ere, zer ekimen mota jarri behar litzateke abian jada eskuragarri dagoen on-lineko zerbitzu-zorroaren erabilera sustatzeko?

i-gipuzkoa2010 Estrategia berriaren etorkizunerako erronkak: IKT eta Ikus-entzunezko sektoreak

admin — Wed, 16 Dec 2009 14:05:45 +0000

Europako Batzordeak IKTen arloko ikerketako ahalegina handitu beharra dagoela proposatzen du. Horretarako, IKTen sektoreko lehiakortasuna hobetzen lagunduko luketen sektore publikoen eta pribatuen arteko lankidetzarako ekimen bateratuak egin behar dira. Gainera, onlineko zerbitzu publikoetan hobekuntza nabarmenak txertatzera zuzendutako I+G arloko kontratazio publikoa handitzearen aldeko apustua egin du. Hobekuntza hori, batez ere, osasungintza elektronikoan ahalbidetu beharko litzateke.

Hori horrela, i-gipuzkoa2010 Estrategiak sortu zenetik alor horretako ekimen ugari sustatu ditu, hala nola Gipuzkoako enpresetan IKTen ikerketa eta berrikuntza bultzatzera zuzendutako IKT Produktuen garapenerako laguntza-programa, eta Gipuzkoako OTEBen nazioartekotzeko laguntza-programa.

Berritutako estrategiak zer beste ekimen jaso behar luke Gipuzkoako IKTen sektorearen lehiakortasuna hobetzeko?

Ikus-entzunezko sektoreak jarduera zinematografikoak, bideoa, irratia eta telebista jasotzen ditu. IKTen sektorearekin konbergentzia prozesuan dagoen sektorea da. Bertan, gainera, euskarri berriak eta anitzak ugaritzen ari dira (satelite bidezko telebista digitala, kable bidezkoa, telebista interaktiboa, Internet, telefonia mugigarria, zinema etxean…). Hori guztia dela eta, sektore horretan lan egiten duten enpresek alerta jarrera izan behar dute edozein berrikuntzaren aurrean. Horrez gain, merkatuaren hedapena etengabe aldatzen ari den ingurunearekin batera gertatu da. Ingurune hori gero eta konplexuagoa da eta beste hainbat alderdiren artean, telebista digitala eta itzalaldi teknologikoa sartu izana dira bertan nagusi.

2010eko apirilerako aurrez ikusita dagoen teknologia analogikoko emisioen etenak (”itzalaldi analogiko” deitutakoak) igorpen-teknologia berri hori ekarriko du; teknologia horren oinarria teknologia digitala telebistako seinaleari aplikatzea da.

Horri dagokionez, telebista mugikorraren garapenerako aukera ona izango da. Horretarako, beharrezkoa izango da alderdi hauetan urratsak ematea: legeria arautzea, harrerako gailu berriak, sareko operadoreen eta telebistako kateen posizioa eta negozio-eredu posibleak. Horrek, gainera, edukien ezaugarriak berriz planteatzera behartuko du, teknologia digital berriaren aurrean.

Eszenatoki berri horren aurrean, Berritutako estrategiak nola lagun diezaioke ikus-entzunezkoen sektoreari planteatutako aukera berriak aprobetxatzen?